XARAKTERNI TASVIRLASHDA DIOLOG VA MONOLOG

Abstract

Yozuvchi Murod Muhammad Do‘stning “Lolazor” romani haqidagi adabiy bahslarni ko‘zdan kechirib, aytish mumkinki, munaqqid va kitobxonlar uchun muallif nuqtai nazarini aniqlash eng muhim masalaga aylangan. Zotan, badiiy asarning konseptual yaxlitligini ta’minlashda muallif obrazining ifodasi muhim rol o‘ynaydi. Adabiyotshunos olim Mixail Baxtin badiiy asardagi birlamchi va ikkilamchi muallifni ajratib ko‘rsatadi. Shunga ko‘ra, “Lolazor”dagi roman ijokori – o‘z so‘zi bilan ishtirok etmaydigan birlamchi muallif va o‘z so‘zi bilan qatnashayotgan muallif tafakkuri, dunyoqarashiga xos xususiyatlar ifodachisi o‘laroq namoyon bo‘ladigan ikkilamchi muallif obrazini farqlaymiz. Bu o‘rinda ikkilamchi muallif obrazi haqida fikr yuritamiz.