FAN, TA'LIM VA AMALIYOT INTEGRATSIYASI

FORMATIV VA SUMMATIV BAHOLASH UYG‘UNLIGI ASOSIDA TA’LIM SIFATINI OSHIRISHNING METODIK IMKONIYATLARI

Abdullayev Abdullo Abduxakimovich — Thu, 09 Jul 2026 00:00:00 +0500

Mazkur maqolada formativ va summativ baholashning o‘zaro uyg‘un qo‘llanilishi orqali ta’lim sifatini oshirish imkoniyatlari ilmiy-metodik jihatdan tahlil qilinadi. Baholash jarayoni faqat o‘quvchi bilimini nazorat qilish yoki baho qo‘yish amaliyoti sifatida emas, balki o‘qitish jarayonini boshqarish, o‘quvchining ehtiyojini aniqlash, qayta aloqa berish va metodik qarorlar qabul qilishga xizmat qiluvchi pedagogik mexanizm sifatida talqin etiladi. Maqolada formativ baholashning dars jarayonida xatolarni erta aniqlash, o‘qitish metodikasini moslashtirish, o‘z-o‘zini baholash va refleksiyani rivojlantirishdagi o‘rni ochib beriladi. Summativ baholash esa o‘quv davri yakunida erishilgan natijalarni aniqlash, ularni fanlar va kompetensiyalar kesimida tahlil qilish hamda keyingi metodik ishlarni rejalashtirish vositasi sifatida asoslanadi.

UZLUKSIZ KASBIY RIVOJLANTIRISH SHAROITIDA O‘QITUVCHILAR KREATIV SALOHIYATINI RIVOJLANTIRISH MEXANIZMINING AKMEOLOGIK-DIDAKTIK ASOSLARI

Ashurova Barno Nematovna — Thu, 09 Jul 2026 00:00:00 +0500

Mazkur maqolada uzluksiz kasbiy rivojlantirish sharoitida o‘qituvchilarning kreativ salohiyatini rivojlantirish mexanizmining akmeologik-didaktik asoslari yoritiladi. Tadqiqotda pedagog shaxsining kasbiy yetuklikka erishishi, ijodiy fikrlashi, innovatsion faoliyatga tayyorligi va o‘z-o‘zini rivojlantirishga bo‘lgan ehtiyoji asosiy ilmiy muammo sifatida tahlil qilinadi. Maqolada akmeologik yondashuv o‘qituvchining kasbiy cho‘qqiga intilishi, didaktik yondashuv esa ta’lim jarayonini mazmun, metod, vosita va natija jihatidan samarali tashkil etish omili sifatida talqin qilinadi. Shuningdek, kreativ salohiyatni rivojlantirishning motivatsion, diagnostik, metodik, refleksiv va amaliy bosqichlari asoslab beriladi. Tadqiqot natijasida uzluksiz kasbiy rivojlantirish tizimida o‘qituvchining ijodkorligini shakllantirishga xizmat qiluvchi mexanizm modeli taklif etiladi.

ARTPEDAGOGIKA KONSEPSIYASI ASOSIDA UMUMIY O‘RTA TA’LIM MAKTABLARIDA O‘QUVCHILARNING IJODIY KOMPETENSIYALARINI RIVOJLANTIRISHNING NAZARIY ASOSLARI

Badriddinova Sitora Samariddin qizi — Thu, 09 Jul 2026 00:00:00 +0500

Mazkur maqolada artpedagogika tushunchasi va uning mohiyati va nazariy asoslari berilgan. Shuningdek artpedagogika konsepsiyasining umumiy o‘rta ta’lim maktablari o‘quvchilarining ijodiy kompetensiyalarini rivojlantirishdagi nazariy asoslari tahlil qilinadi. Bugungi kunda globallashuv jarayonida ta’lim tizimida o‘quvchi yoshlarning mustaqil va kreativ fikrlashi, estetik didi, emotsional intellektini rivojlantirish ustuvor vazifalardan biri hisoblanadi. Maqolada o‘quvchilarning ijodiy kompetensiyalarini rivojlantirishga yordam beruvchi artpedadogik yondashuvning mazmuni , asosiy tamoyillari umumiy o‘rta ta’lim tizimidagi o‘rni turli ilmiy adabiyotlar asosida yoritib berilgan. Shuningdek san’atga asoslangan ta’lim texnologiyalarini o‘quv jarayonida qo‘llashning afzalliklari tahlil qilinadi.

TIBBIYOT TEXNIKUMLARI TALABALARINI OʻQITISHDA XALQARO TAJRIBALARDAN SAMARALI FOYDALANISH STRATEGIYALARI

Eshmurodova Dilrabo Xoʻdoyberdi qizi — Thu, 09 Jul 2026 00:00:00 +0500

Ushbu maqolada oʻrta maxsus tibbiy ta’lim tizimiga xalqaro andozalarni tatbiq etish masalalari, xususan, tibbiyot texnikumi talabalarining kasbiy kompetensiyalarini rivojlantirishda xorijiy davlatlar tajribasidan foydalanish imkoniyatlari tahlil qilingan. Tadqiqotda dual ta’lim modeli, simulyatsion texnologiyalar, muammoli oʻqitish (PBL) usuli hamda raqamli tibbiyot vositalarining oʻzaro uygʻunlashtirilgan holda qoʻllanilishi masalalari yoritilgan boʻlib, Germaniya, Janubiy Koreya va Turkiya kabi mamlakatlarning institutsional tajribasi qiyosiy tahlil etilgan.

MAKTABGA TAYYORLOV YOSHIDAGI (6–7 YOSH) BOLALARDA TADQIQOTCHILIK FAOLIYATINI RIVOJLANTIRISHNING PSIXOLOGIK-PEDAGOGIK ASOSLARI

Haqberdiyeva Zamira Rajabboyevna — Thu, 09 Jul 2026 00:00:00 +0500

Ushbu maqolada 6-7 yoshli bolalarda tadqiqotchilik faoliyatini shakllantirish va rivojlantirishning psixologik-pedagogik asoslari tahlil qilinadi. Tadqiqotning maqsadi tayyorlov guruhida qiziqish, savol berish, farazni ilgari surish, kuzatish va oddiy tajriba o‘tkazish ko‘nikmalarini qo‘llab-quvvatlovchi didaktik shartlarni asoslashdir. Metodologiya sifatida rivojlantiruvchi ta’lim, faoliyat yondashuvi va maktabga psixologik tayyorgarlik konsepsiyalari uyg‘unlashtiriladi. Ilmiy yangilik sifatida tadqiqotchilik faoliyatining komponentlari va ularni baholash mezonlari hamda pedagogik hamrohlik mexanizmi taklif etiladi.

BO‘LAJAK OʻQITUVCHILARNING KASBIY-SUBYEKTIV POZITSIYASINI RIVOJLANTIRISH MODELI

Ibragimov A’lamjon Amrilloyevich, Ilmurodov Samadjon Xolberdiyevich — Thu, 09 Jul 2026 00:00:00 +0500

Mazkur maqolada bo‘lajak o‘qituvchilarning kasbiy-subyektiv pozitsiyasini rivojlantirish modelining nazariy-metodologik asoslari va tarkibiy tuzilmasi yoritilgan. Shuningdek, kasbiy-subyektiv pozitsiyani rivojlantirishning zamonaviy pedagogik yondashuvlari tahlil qilinib, modelning maqsadli, konseptual, protsessual-mazmunli hamda baholash-natijaviy komponentlari o‘zaro uzviy bog‘liqlikda asoslangan. Modelning funksional mexanizmi identitet, subyektivlik, refleksiya va pedagogik qadriyatlar integratsiyasi hamda «fikrlash – harakat – tahlil – qayta loyihalash» sikli asosida tavsiflangan. Modelni oliy pedagogik ta’lim jarayoniga tatbiq etish bo‘lajak o‘qituvchilarning kasbiy mustaqilligi, pedagogik mas’uliyati, refleksiv faoliyati va kasbiy qaror qabul qilish kompetentligini rivojlantirishga xizmat qiladi.

BOʻLAJAK OʻQITUVCHILARDA RISKOLOGIK KOMPETENTLILIKNI RIVOJLANTIRISHNING PEDAGOGIK-PSIXOLOGIK XUSUSIYATLAR

Kandaxarov Mirjalol Abdimurot o‘g‘li — Thu, 09 Jul 2026 00:00:00 +0500

Ushbu maqolada bo‘lajak o‘qituvchilarda riskologik kompetentligini rivojlantirishning pedagogik va psixologik jihatlari chuqur tahlil qilingan. Maqolada zamonaviy ta’lim jarayonida o‘qituvchining qaror qabul qilishda, noaniqlik sharoitida harakat qilishda va kutilmagan holatlarga moslashishda risklarni boshqarish ko‘nikmalariga ega bo‘lishi zarurligi asoslab berilgan. Shuningdek, riskologik kompetentlik tushunchasi, uning tarkibiy qismlari, rivojlanish bosqichlari va unga ta’sir etuvchi omillar yoritilgan.

BO‘LAJAK BOSHLANG‘ICH SINF O‘QITUVCHILARINI DIZAYN-TAFAKKURGA O‘RGATISHNING PEDAGOGIK SHART-SHAROITLARI

Mamadaminova Munisa — Thu, 09 Jul 2026 00:00:00 +0500

Mazkur maqolada bo‘lajak boshlang‘ich sinf o‘qituvchilarini dizayn-tafakkurga o‘rgatishning pedagogik shart-sharoitlari tahlil qilingan. Tadqiqotda dizayn-tafakkurning mazmun-mohiyati ochib berilib, uni kasbiy tayyorgarlik jarayoniga joriy etish imkoniyatlari asoslangan. Tizimli, kompetensiyaviy va faoliyatga asoslangan yondashuvlar asosida motivatsion, mazmuniy-metodik, tashkiliy-faoliyatli hamda refleksiv-baholash shart-sharoitlari yoritilgan.

PEDAGOGLARNING KASBIY RIVOJLANISHINI BOSHQARISHDA MONITORING VA REFLEKSIV TAHLIL

Mansurov Farrux Najmitdinovich — Thu, 09 Jul 2026 00:00:00 +0500

Mazkur maqolada umumta’lim maktablarida o'qituvchilarning kasbiy rivojlanishini monitoring va refleksiv tahlil asosida boshqarishning nazariy-metodologik asoslari yoritilgan. Monitoring va refleksiv tahlilning pedagoglarning kasbiy kompetensiyalarini rivojlantirishdagi o'rni hamda ularning o'zaro integratsiyalashgan boshqaruv mexanizmi sifatidagi ahamiyati tahlil qilingan. Tadqiqot davomida kompetensiyaviy yondashuv, tizimli tahlil, qiyosiy tahlil va ilmiy-pedagogik manbalarni o'rganish metodlaridan foydalanildi. O‘quv ishlari bo'yicha direktor o'rinbosarining pedagoglar kasbiy rivojlanishini monitoring qilish, refleksiv tahlilni tashkil etish hamda individual rivojlanish strategiyalarini ishlab chiqishdagi funksional vazifalari asoslab berilgan.

INGLIZ VA O‘ZBEK TILLARIDA MADANIY AXBOROTNI UZATUVCHI BIRLIKLAR SIFATIDA IDIOMALARNING LINGVOMADANIY XUSUSIYATLARI

Qodirov Jahongir Anvar o‘g‘li — Thu, 09 Jul 2026 00:00:00 +0500

Ushbu maqolada ingliz va o‘zbek tillaridagi idiomalarning lingvomadaniy xususiyatlari milliy-madaniy axborotni o‘zida mujassam etgan o‘ziga xos til birliklari sifatida o‘rganildi. Idiomalar xalqning tarixiy taraqqiyoti jarayonida shakllangan qadriyatlari, urf-odatlari, an’analari va dunyoqarashini aks ettirib, uning ma’naviy madaniyatini ifodalovchi muhim vosita hisoblanadi. Tadqiqotning maqsadi, har ikki tilga xos madaniy jihatdan belgilangan idiomalarni aniqlash va tizimlashtirish, ularning madaniy komponentini shakllanish mexanizmlarini ochib berish, hamda tematik guruhlarini qiyosiy tahlil qilishdan iboratdir. Tadqiqot materiali sifatida ingliz va o‘zbek tillarining frazeologik lug‘atlari hamda badiiy asarlardan olingan misollar xizmat qildi. Tadqiqot jarayonida tavsifiy, qiyosiy va komponent tahlil usullaridan foydalanildi. Natijalar shuni ko‘rsatdiki, har ikki til idiomalari kundalik hayot, din, tabiat, ijtimoiy munosabatlar va xalqlarning tarixiy tajribasi bilan bog‘liq bo‘lgan boy madaniy axborotni o‘zida mujassam etadi. Tadqiqot davomida universal hamda milliy xususiyatga ega bo‘lgan frazeologik modellar aniqlandi.

QUYI ZARAFSHON TABIATINING ANTROPOGEN OMILLAR TA’SIRIDA O‘ZGARISHI VA LANDSHAFTLARINING ANTROPOGEN MODIFIKATSIYALANISHI

Samyayev Anvar Kadirovich — Thu, 09 Jul 2026 00:00:00 +0500

Ushbu maqolada Quyi Zarafshonda uzoq yillar mobaynida almashlab ekish qoidasiga amal qilmaslik , tuproqlarga agrotexnik ishlov bermaslik, hosildorlikni oshirish maqsadida mineral o‘g‘itlar va pestitsidlarni me’yoridan ortiq ishlatilishi, minerallashgan suvlardan ekin maydonlarini sug‘orish natijasida ikkilamchi sho‘rlanishning paydo bo‘lishi va shunga o‘xshash antropogen omillarning salbiy ta’siri natijasida landshaftlarning antropogen modifikatsiyalanishi haqida ma’lumotlar keltirilgan.

SUN’IY INTELLEKT VOSITASIDA BO‘LAJAK O‘QITUVCHILARNING TADQIQOTCHILIK KO‘NIKMASINI RIVOJLANTIRISHNING PEDAGOGIK SHART-SHAROITLARI

Shakarov Axror Amonqulovich — Thu, 09 Jul 2026 00:00:00 +0500

Mazkur maqolada sun’iy intellekt texnologiyalari yordamida bo‘lajak o‘qituvchilarning tadqiqotchilik ko‘nikmalarini rivojlantirishning pedagogik shart-sharoitlari ilmiy-pedagogik nuqtayi nazardan tahlil qilingan. Natijalar sun’iy intellekt vositalaridan maqsadli foydalanish bo‘lajak o‘qituvchilarning ilmiy muammoni aniqlash, ilmiy axborotni izlash, ma’lumotlarni tahlil qilish, ilmiy xulosa chiqarish hamda ilmiy natijalarni taqdim etish kompetensiyalarini sezilarli darajada rivojlantirishini ko‘rsatdi. Maqolada tadqiqotchilik ko‘nikmalarini rivojlantirishga xizmat qiluvchi pedagogik shart-sharoitlarning konseptual tizimi taklif etilgan bo‘lib, u pedagogik ta’lim amaliyotida foydalanish uchun tavsiya etiladi.

MILLIY DASTUR TALABLARIDAN KELIB CHIQIB BOSHLANG’ICH TA’LIMDA TENGLAMALARNI O’RGANISHGA YANGICHA YONDASHUV

Umarov Nurbek Erkinovich — Thu, 09 Jul 2026 00:00:00 +0500

Boshlang’ich ta’lim matematika darslarini milliy dastur talablaridan kelib chiqib zamonning o’zi talab qilmoqda. Kichik maktab yoshidagi bolalarga matematik materiallarni ularning kundalik amaliy darslarda uchraydigan matematik muammolar bilan uzviy bog’lab o’qitilsa ularning fanni yaxshi o’zlashtirishga bo’lgan qiziqishlari ortadi. Natijada darslar yanada samarali bo’ladi. Ushbu maqolada matnli matematik masalalarning tenglamalar bilan uzviy bog’liqliligidan foydalanib tenglamalarni o’rganishga innovatsion yondashuvni amalga oshirishga ya’ni matematika darslarida berilgan tenglamalarning yechimini topish, masala ko’rinishga keltirilib matematika o’qitishni o’quvchilarning kundalik amaliy darslari bilan bog’lab o’tish masalasiga qaratilgan.

OLIY TA’LIMDA TALABALAR ILMIY-TADQIQOT FAOLIYATINI TASHKIL ETISHNING GURUHLI HAMKORLIK VA ILMIY MUNOZARAGA ASOSLANGAN SHAKLLARI

Xamroyeva Feruza Asrorovna — Thu, 09 Jul 2026 00:00:00 +0500

Mazkur maqolada oliy ta’lim tizimida talabalarning ilmiy-tadqiqot faoliyatini tashkil etishning guruhlar va diskussiyaga asoslangan shakllari ilmiy-metodik jihatdan tahlil qilinadi. Tadqiqotda kichik ilmiy izlanish guruhlari, ilmiy diskussiya va kooperativ tadqiqot shakllarining didaktik imkoniyatlari ochib beriladi hamda ularning talabalarda ilmiy tafakkur, dalillash, bahs-munozara madaniyati va reflektiv yondashuvni shakllantirishdagi roli asoslanadi. Xalqaro pedagogik tajriba misolida “buzz groups”, “documentary groups”, “syndicates”, “self-assessing groups” kabi guruh formatlarining metodik xususiyatlari yoritiladi. Shuningdek, guruhli va diskussion faoliyatning samaradorligi, ularning cheklovlari hamda o‘qituvchining metodik boshqaruvdagi vazifalari tahlil qilinadi. Tadqiqot natijalari talabalarning ilmiy-tadqiqot faoliyatini samarali tashkil etishda mazkur shakllarning yuqori didaktik salohiyatga ega ekanligini ko‘rsatadi.

UMUMTA’LIM MAKTABLARIDA MUAMMOLI VAZIYATLARNI MODELLASHTIRISH ASOSIDA MATEMATIK SAVODXONLIKNING BILISH, QO‘LLASH VA MULOHAZA YURITISH KOMPONENTLARINI RIVOJLANTIRISH

Xaydarov Xurshid Ismatovich — Thu, 09 Jul 2026 00:00:00 +0500

Ushbu maqolada umumiy o‘rta ta’lim maktab o‘quvchilarining savodxonlik, bilish, qo‘llash va mulohaza yuritish darajalariga oid masalalarni yechishdagi savodxonlik darajalari hamda, o‘quvchilar uchun ahamiyati va o‘z samaradorligiga bo‘lgan ishonchi haqida fikirlar yuritilgan.

OMON MUXTOR “AFLOTUN” ROMANIDA FOLKLORIZM

Xo‘jamqulov Anvar Jozilovich, Tog‘ayeva Shoxnoza Elmurod qizi — Thu, 09 Jul 2026 00:00:00 +0500

Ushbu maqolada o‘zbek modern adabiyotining yirik namoyondalaridan biri – yozuvchi Omon Muxtorning “Aflotun” romanida folklorizm, xalq og‘zaki ijodi an’analari xususida so‘z boradi. Badiiy adabiyotning yozma shaklida xalq og‘zaki ijodining bo‘y ko‘rsatishi tabiiy holdir. Bu, ayniqsa, she’riyatda yanada yaqqolroq namoyon bo‘ladi. Biroq Omon Muxtorning she’riy asarlaridan tashqari nasriy asarlarida ham folklorizmning o‘rni yuqori ekanligi maqolada ochib berilgan.

KASBGA YO‘NALTIRISH ISHLARINI TASHKIL ETISH

Pardayev Zafar Shukurovich — Thu, 09 Jul 2026 00:00:00 +0500

Maqolada bolalar (MTT tarbiyalanuvchilari, o‘quvchi-yoshlar)ni kasbga tayyorlash, kasbga yo‘naltirishning tartibi, qoidalari, zarurati haqidagi Sharq allomalarining qarashlari, Yevropada amalga oshirilgan ishlar haqida ma’lumotlar keltirilgan. Bu jarayonda jamiyat a’zolarining har biri (ota-ona, qarishdosh-urug‘, mahalla)dan amal qilinishi lozim bo‘lgan tadbirlar, kasbga yo‘naltirishda bolaning aqliy, axloqiy, jismoniy imkoniyatlarini, jamiyatning kasbiy ehtiyojlarini hisobga olish zarurati haqida ilmiy materiallarga murojaat qilinadi.